Ағымдағы жылдың 6 сәуірінен бастап Ақтөбеде карантин режимі жұмыс істей бастайды. Бұл туралы “Диапазон”газеті хабарлайды.
“Бүгінгі таңда Ақтөбеде 11 коронавирусты инфекция тіркелді. Олардың 7-і сырттан келген жағдайлар, 4-і науқастармен жақын байланыста болған адамдар. Алдын алу шаралары толық көлемде жүргізіледі, бірақ байланыста болған адамдардың арасында таралу жүріп жатыр, Ақтөбе қаласында карантин енгізу туралы шешім қабылданды. Карантиннің басты міндеті-коронавирусты инфекцияның таралу тізбегін тоқтату”, – деп облыстың бас санитарлық дәрігері Нұрсұлу Беркімбаевтың сөзінен үзінді келтіреді.
Карантин кезінде қаладағы алаңдарды, аумақтарды және оған жататын елді мекендерді дезинфекциялау бойынша жұмыстар жүргізілетін болады. Сондай-ақ, қоғамдық көлік кесте бойынша жүретін болады.
“65 жастан асқан адамдарға далаға аса қажетсіз шықпауға кеңес береміз. Әрине, карантин кезінде азық – түлікке, дәрі-дәрмектерге, ем алуға, банктік және пошта қызметіне шығуға рұқсат етіледі”, – деді Беркімбаева, қалада карантин ережелері бойынша толық ақпарат қаулыда көрсетілген.
