Алматыда бұрынғы банкир Жомарт Ертаевқа қатысты ашылған қылмыстық іс бойынша сот талқылауы аяқталды. Ол RBK банкінен 144 миллиард теңге ұрлады деп айыпталды, деп хабарлайды zakon.kz ақпарат ресурсы.
Істі Алмалы аудандық соты қарады. Ертаевтан басқа тағы 36 адам сотта болды. Үш зардап шеккен болды.
Экс-банкирдің соты бір жылға жуық созылды. Оның қылмыстық ісі 700 томнан және 46 эпизодтан, айыптау актісі 280 беттен тұрды. Оны оқуға бірнеше күн керек болды. Сот отырыстарының бірінде Ертаев өз кінәсін толық мойындады.
Сот шешімімен экс-банкир ақшаны жымқырғаны және жылыстатқаны үшін кінәлі деп танылды. Мұндай әрекеттері үшін ол 11 жылға бас бостандығынан айырылды.
Сонымен қатар, сот Жомарт Ертаевты 10 жыл мерзімге коммерциялық және қаржылық қызметпен айналысу құқығынан айырды.
Бұған дейін Өскеменде жол ережесін бұзған автокөлік жүргізушісінен пара алуға тырысқан жол полициясының қызметкері сотталғаны хабарланған. Жемқор-полицей қылмыс үстінде ұсталды. Оған 3 миллион теңге көлемінде айыппұл салынды.
Сурет: sputnik.kz
