Қазақстан ақпарат министрлігінің басшысы Дәурен Абаев Қордай ауданындағы жаппай тәртіпсіздіктер кезінде ақпарат комитеті берген ұсыныстарға түсініктеме берді. Бұл туралы “ҚазТАГ” ақпарат агенттігі хабарлады.
Жамбыл облысының Қордай ауданында болған жанжал кезінде Қазақстан ақпарат министрлігі комитеті азаматтарға ресми көзқарасты ұстануды ұсынды.
Өз кезегінде Дәурен Абаев мұндай шара цензураға талпыныс емес екенін атап өтті. Ол бұл жағдайдың шиеленісіп кетпеуі үшін жасалғанын айтты.
Сонымен қатар, министр, егер БАҚ осы ұсынымдарды сақтамаса, арандатушылық ақпаратты таратса, онда біздің мемлекетіміздің заңнамасына сәйкес жауапты болатынын баса айтты.
Осы жылдың 7 ақпанында Қордай ауданында жаппай тәртіпсіздік орын алды. Жанжал салдарынан адамдар қаза тауып, зардап шекті. Сонымен қатар, үйлер мен сауда орындары өртелді.
Алайда қазіргі уақытта бұл ауданда жағдай тұрақты, мектептер, балабақшалар мен дүкендер жұмыс істейді. Жергілікті тұрғындардың жоғалған құжаттарын қалпына келтіру жұмыстары жүргізілуде. Сонымен бірге келтірілген залал бағалануда.
Жамбыл облысының әкімі Бердібек Сапарбаев жаппай тәртіпсіздік салдарынан қираған барлық үйлер қалпына келтірілетінін айтты.
Сурет: fergana.agency
