Қазақстандық ақпарат министрі Дәурен Абаев биылғы жылы Қазақстанда тұрғын үй құрылысының жоспарланған көлемі туралы айтты. Бұл туралы zakon.kz ақпарат агенттігі хабарлады.
Брифинг барысында Дәурен Абаев биылғы жылы тұрғын үй құрылысының көлемін өткен жылмен салыстырғанда 2 миллион шаршы метрге ұлғайту жоспарланып отырғанын мәлімдеді.
Сонымен қатар, министрлік басшысы біздің республикамызда барлығы 15 миллион шаршы метр тұрғын үй салу жоспарланып отырғанын айтты.
“Салыстырсақ, Қарағандыда барлық тұрғын үй қоры 11,2 миллион шаршы метрді құрайды, яғни мемлекет 2020 жылы көлемі Қарағандыдан да үлкен құрылыс салады”,- деді министр.
Брифинг барысында Дәурен Абаев бүгінгі таңда Қазақстанда құрылыс саласында 700 мыңға жуық адам жұмыс істейтінін атап өтті. Оның айтуынша, ағымдағы жылы бар жұмыс орындарын сақтап қана қоймай, 15 мың жаңа жұмыс орындарын ашу жоспарланып отыр.
Сонымен қатар, министр 2020 жылы елімізде жол құрылысы бойынша жоспарланған барлық ірі жобаларды жүзеге асыру аяқталады, сонымен қатар тек қана отандық жол-құрылыс материалдары пайдаланылатынын мәлімдеді.
Сурет: Gradstroy.com.ua
