Қазақстандық ақпарат министрлігінің басшысы Дәурен Абаев коронавируспен күреске біздің республикамызда 1,8 триллион теңге бөлінетінін мәлімдеді. Бұл туралы zakon.kz ақпарат агенттігі хабарлады.
Қазақстан министрінің айтуынша, бұл сома эпидемияға қарсы іс-әрекетке Қазақстанның Ұлттық қорынан бөлінеді.
Сондай-ақ Дәурен Абаев бұған дейін брифингтердің бірінде біздің республикамызда коронавирусқа қарсы күреске Ұлттық қордан қаражат бөлінбейтінін айтты, алайда, ол қате болып шықты.
“Мен сіздерді байқаусызда жаңылдырдым. Бұл қисынсыз мәлімдеме болды, осыған байланысты кешірім сұраймын”, – деді ақпарат министрі.
Бүгінгі таңда Қазақстанда коронавирустың таралуына байланысты енгізілген төтенше жағдай режимі жұмыс істеуде, 267 жұқтыру оқиғасы біздің елімізде расталды.
Сонымен қатар, коронавирусқа байланысты Нұр-Сұлтан, Алматы қалалары және Шымкент аудандарының бірінде карантин енгізілді, 30 наурыздан бастап Қарағанды облысында, Ақтау және Атырау қалаларында карантин режимі енгізіледі.
