Ақмола облысының сыбайлас жемқорлыққа қарсы ведомствосының басшысы Мұрат ТӨЛЕУБАЕВ биылғы жылы ақмолалықтар мемлекеттік қызметкерлерге материалдық сыйақы бергені үшін 1 миллион теңгеден астам айыппұл төлегенін айтты. Бұл туралы Облыстық сыбайлас жемқорлыққа қарсы күрес қызметінің баспасөз орталығында хабарлады.
Мұрат Төлеубаев, заңға сәйкес, шенеуніктерге қызмет көрсеткені үшін материалдық сыйақы берген адамға әкімшілік айыппұл салынатынын түсіндірді.
Облыстық сыбайлас жемқорлыққа қарсы қызмет басшысы егер сыйлық мөлшері екі айлық жалақыдан жоғары болса, мұндай әрекеттер үшін пара беру фактісі бойынша қылмыстық жауапкершілікке тартылатынын атап өтті.
Сонымен қатар, жеке тұлғалардан сыйлықтар алған шенеуніктер алған сыйлығын мемлекеттік мүлік және жекешелендіру департаментіне беруге міндетті. Міндеттемелерді орындамағаны үшін де жауапкершілік көзделеді.
Сурет: inform.kz
