Ақмола облысының басшысы Ермек Маржықпаев түйнеме диагнозымен ауруханада жатқан адамдардың жағдайымен танысты, сондай-ақ вирусты оқшаулау жөніндегі штабтың көшпелі отырысын өткізді.
Бүгінгі күні Ольгинка ауылында карантиндік іс-шаралар жүргізілуде. Сонымен қатар, елді мекенде тұрғын үйлерге дезинфекция жүргізіледі.
Ақмола облысының әкіміне вирустың жайылуының негізгі себебі мал сою кезінде ветеринарлық куәландырудың болмауы деп түсіндірілді.
“Біз бүгін маңызды мәселені талқыладық. Барлық штаб мүшелері жағдайды жеке бақылауда ұстауы қажет. Эпизоотиялық жағдай ветеринарлық қауіпсіздіктің құрамдас бөлігі болып табылады, оған азаматтардың денсаулығы мен әл-ауқаты тәуелді”, – деді Маржықпаев.
