Ақмола облысының әкімі Ермек Маржықпаев жұмыс сапарымен Қорғалжын ауданына барды. Бұл туралы облыс әкімдігінің баспасөз қызметі хабарлады.
Өңір басшысы жұмыс сапары аясында “МЕТ-777” ЖШС жаңа жылыжай шаруашылығына барды.Онда әкімге жиналған өнім мен жақын жобалар туралы ақпарат берілді. Маржықпаев кәсіпорын басшылығы Степногорск “Қазақстанның жылыжай технологиялары” ЖШС-нің тәжірибесін алу керектігін атап өтіп, аудан әкімі Берік Жанбаевқа кәсіпорын жобаларын одан әрі дамыту мәселелерін қарауды тапсырды.
Бұдан кейін Ақмола облысының әкімі “Астана агропродукт” ЖШС ет өңдеу кешенінде болды. Онда оған кәсіпорын жұмысының нәтижелері туралы хабарлады. Өз кезегінде Маржықпаев экспорттық әлеуетті арттыру керектігін айтты.
Біздің компания – ет экспортына аккредитациясы бар солтүстік өңірдегі жалғыз компания. Осы уақытқа дейін біз Иранға сүйексіз ет қана экспорттадық. Енді Қытайға сиыр етін жеткізе бастауды жоспарлап отырмыз”, – деді кәсіпорын директоры Қанатбек Узембаев.
Әкім жұмыс сапары аясында “Агрофирма жер 888” ЖШС-нің алқаптарында болып, Қорғалжын табиғи қорығының визит-орталығын, “Балтабек” этнотуристік кешенін, сондай-ақ орталық стадионды аралап өтті.
