Ақмола облысында бақылау-өткізу пункттері қайтадан орнатылды, онда Ішкі істер органдарының қызметкерлері жұмыс атқаратын болады, деп хабарлайды “ҚазАқпарат” жаңалықтар ресурсы.
Он бір бақылау-өткізу пункттері аймақта ертеңнен бастап әрекет ете бастайды. Олар індеттің таралуын болдырмауға бағытталған күшейтілген карантиндік шараларға байланысты қойылды.
Бурабай ауданы ерекше бақылауда болады. Онда 6 бақылау-өткізу пункттерінен басқа, 7 мобильді топ жұмыс істейді.
Облыстық полиция ведомствосының айтуынша, бақылау-өткізу бекеттерін құру туралы шешім азаматтардың карантин режиміне байланысты белгіленген талаптарға немқұрайлы қарағандарына байланысты қабылданды.
Сонымен қатар, құқық қорғау органдарының қызметкерлері азаматтарды енгізілетін шараларға түсіністікпен қарауға шақырды, себебі бұл олардың қауіпсіздігі мақсатында жасалуда.
Соңғы мәліметтерге сәйкес, Ақмола облысында коронавирус инфекциясын жұқтырудың 2161 жағдайы расталды, Республикамызда олардың саны 76799-ға жетті.
Сурет: toppress.kz
