Ақмола облысында мемлекеттік мүлікті жымқыру туралы қылмыстық іске қатысы бар,Макинск қаласының әкімі қызметінен босатылды. Бұл туралы облыстық прокуратураның баспасөз қызметі хабарлады.
Облыстық қадағалау органының ақпараты бойынша, Бұланды ауданы прокуратурасының қызметкерлері мемлекетке зиян келтірен қылмыстық істерді талдады. Талдау барысында, өткен жылы аудан әкімінің көше шамдарының ұрлануы туралы өтінішімен полиция ҚР ҚК 188-бабы бойынша сотқа дейінгі тергеу бастағаны анықталды.
«Алайда,әкім қол қойған әкімдіктің балансында ұрланған мүліктің болмағаны туралы анықтама негізінде ақтайтын негіз бойынша тексеру тоқтатылды. Прокуратураның қарсы тексеруімен көше шамдары Мемлекеттік сатып алу туралы шарт бойынша сатып алынғаны және Макинск қаласы әкімдігінің балансында болғаны анықталды», — деп хабарлады прокуратурада.
Осыған байланысты аудан прокуратурасы ұрлық фактісі бойынша қылмыстық істі қысқарту туралы заңсыз қаулыны жойып, осы істің материалдарын сыбайлас жемқорлыққа қарсы іс-қимыл агенттігіне берді.
«Мемлекеттік қызметшіге қатысты қылмыстық қудалау ақталмайтын негіз бойынша тоқтатылып,2019 жылғы 13 қыркүйекте Бұланды ауданы әкімінің өкімімен ол Макинск қаласының әкімі қызметінен босатылды», — деп хабарлады қадағалау органынан.
