Ақмола облысында мұзды қопсыту және ұсақтау бойынша жарылыс жұмыстары аяқталды, деп хабарлайды «ҚазАқпарат» халықаралық ақпарат агенттігі, облыстық ТЖ Департаментінің төтенше жағдайларды жою бөліміне сілтеме жасап.
Ведомство хабарламасында су тасқынына қарсы іс-шаралар аясында мұзды қопсыту және ұсақтау бойынша жарылыс жұмыстарын жүргізу арқылы мұз жамылғысының әлсіреуі жүзеге асырылды. Іс-шараның мақсаты − көктемгі сең жүру кезінде су тасқыны құбылыстарының алдын алу, тасқын судың апатсыз өтуін ұйымдастыру және елді мекендерді көктемгі сең жүру кезінде су басудан қорғау.
Жұмыс 12-18 наурызда 15 832 шаршы метр аумақта жүзеге асырылды. Оған келесі аудандар қамтылды: Астрахан, Аршалы, Атбасар, Бұланды, Ерейментау, Есіл, Қорғалжын, Сандықтау, Целиноград және Шортанды.
Мұзды қопсыту және ұсақтау есебінен мұз алаңы айтарлықтай әлсірейді және су тасқыны кезінде өзендерде кептелістер мен қысылысудың пайда болу ықтималдығы азаяды.
Құтқару қызметінің өкілдері көктемде су айдындары қауіпті екенін еске салды. Мұз үстіне шығуға тыйым салынады, өйткені ол жарылады, көктемде өзен, тоған, көлдерден өтуге болмайды, көктемгі су тасқыны мен мұз жүру кезінде сақ болу қажет.
Сурет: inform.kz
