Ақмола облысында мемлекеттік бағдарламалар бойынша әлеуметтік жұмыс орындарын құруға бөлінген ақша қаражатын ұрлау фактілері тіркелген. Бұл туралы Ақмола облысы бойынша Мемлекеттік кірістер департаментінің баспасөз қызметі хабарлады.
Ведомствода 2018 жылдың соңына қарай өндірісте болған 42 қылмыстық істің 35-і жабылды. Аяқталған істер бойынша жалпы шығын 77,9 млн. теңгеден асты.
Сотқа дейінгі іс қарау барысында 49 млн. қалған ақшалай қаражат азаматтық тәртіпте өтелетін болады.
Бюджет қаражатын ұрлау схемасы өте көп. Олардың ішінде жалақы қорының есеп айырысу шотынан жеке есеп шоттарына ақша аудару, Мемлекеттік сатып алу шарттары бойынша әртүрлі махинациялар, іс жүзінде жұмыс істемейтін тұлғаларға, яғни “Өлі жандар” және т.б. жұмыс уақытын есептеу табелі бойынша ақша аудару.
Ведомствода атап өткендей, әлеуметтік жұмыс орындарын құруға ғана емес, сондай-ақ “мектепке дейінгі тәрбие мен оқытудың жалпы білім беру бағдарламаларын іске асыру”, “2017-2021 жылдарға арналған Нәтижелі жұмыспен қамтуды және жаппай кәсіпкерлікті дамыту” сияқты бағдарламалардың қаржылық есеп шотынан ақша қаражатын ұрлау да аз емес.
Ақмола облысы бойынша Мемлекеттік кірістер департаменті азаматтардан бюджет қаражатын ұрлаудың осындай немесе басқа да фактілері туралы кенеттен белгілі болса, міндетті түрде Экономикалық тергеу қызметіне мына телефондар бойынша хабарлауды сұрайды: (8-716-2) 25-14-88, 25-45-51.
Сурет: tote.qamshy.kz
