Ақмола облысының Астрахан ауданында шошқа шаруашылығы кешені мен ет комбинаты салынуда. Жаңа кәсіпорындар облыстың экспорттық әлеуетін арттыруға және импорттық шошқа етін ығыстыруға мүмкіндік береді.
“АПК Bavaria Product” ЖШС директорының орынбасары Бауыржан Сейдалиев “ҚазАқпарат” халықаралық ақпарат агенттігінің тілшісіне жобаның жоспарланған өнімділігі мен жүзеге асырылу мерзімі туралы айтып берді.
Құрылыс биыл аяқталады. Шошқа өсіру кешенінің өнімділігі екі мыңнан астам аналық шошқа басын құрайды, ал ет комбинаты жылына 5,5 тонна шошқа етін өндіретін болады
Сейдалиев шошқа еті әлемдегі ең көп қолданылатын ет екенін және бүкіл әлемдік ет өндірісінің 42%-ын құрайтынын айтты. Дүниежүзілік азық-түлік ұйымының жіктелуі бойынша шошқа еті – тағам рационының таптырмайтын элементі. Бұл ретте дамыған елдерде шошқа шаруашылығы саласы шошқаларға арналған азықтың жоғары бағасының себебінен тоқырау жағдайында тұр.
Сейдалиевтің пікірінше, жоба елдің экспорттық әлеуетінің басым бағыттарының бірі болып табылады, сондай-ақ Ресей және Қытаймен сауданы кеңейтуге оң ықпал етеді.
Шошқа етін Ресей мен Қытайға жылына 3 мың тоннадан астам көлемде экспорттау жоспарланып отыр. 2021 жылға қарай экспорт 60 мың тоннаға жетеді. 3150 басқа арналған асыл тұқымды база құрылады.
Құны 11 миллиард теңгеден асатын шошқа кешенінің жобасы Danish Farm Concept Дат фирмасының ұсынымдары мен жабдықтарын қолдану негізінде әзірленді. Ол жобаның инвесторы болып табылады және миллиард 300 миллион теңгеден астам сомаға құрал-жабдықтар беретін болды. Даниядан келген мамандар екі жыл бойы кәсіпорынның 130-дан астам қызметкеріне жетекшілік етіп, үйрететін болады. Өнімділігін арттыру үшін шошқаның 20% генетикалық прогресін қамтамасыз ететін даниялық селекциялық бағдарламасы қолданылады. Жобаның құнын азайту үшін жобаны жасаушылар құрама жем цехын құрудан бас тартты. Азық Ресей мен Қазақстанның ірі өндірушілерінен сатып алынады.
Сурет: inform.kz
