Ақмола облысының аумағына аса ірі мөлшерде гашиш жеткізетін ірі арна жойылды, деп «ҚазАқпарат» ХАА тілшісі облыстық полиция департаментінің баспасөз қызметіне сілтеме жасап хабарлайды.
Облыстық полиция департаментінің есірткі қылмысына қарсы іс-қимыл басқармасының қызметкерлері жедел-іздестіру іс-шараларын жүргізу барысында 16 килограмнан астам гашиш есірткі заты және 17 миллион 500 мың теңгеден астам қаражат тәркіленген топтың қызметіне жол бермеді.
«Жедел қызметкерлердің үйлестірілген жұмысының нәтижесінде Астана маңындағы аймақ пен Нұр-сұлтан қаласының аумағына аса ірі мөлшерде гашиш есірткі құралдарын жеткізуді, сақтауды және өткізуді ұйымдастырған үш азамат әшкереленді», — деп хабарлады ведомстводан.
Қазіргі уақытта ҚР ҚК 297-бабының 3-бөлігі («аса ірі мөлшерде есірткі құралдарын заңсыз сақтау және өткізу») бойынша сотқа дейінгі тергеу жүргізілуде.
«Күдіктілерге қатысты уақытша ұстау изоляторына қамаумен процестік ұстау қолданылды. Басқа ақпарат тергеу мүддесінде жариялауға жатпайды», — деп атап өтті облыстық полиция департаментінің УПН бастығы полиция подполковнигі Мейрам Жапбасов.
