Бүгін Ақмола облысында Қазақстан халықтарының тілдері Күнінің онкүндігі басталды. Бұл туралы өңірдің ішкі саясат басқармасының басшысы Ғалым Шойкин өңірлік коммуникация қызметі медиа-орталығының брифингінде мәлімдеді.
«Қазақстан Республикасының тілдер Күніне арналған дәстүрлі жыл сайынғы онкүндік 2019 жылдың 5-20 қыркүйегі аралығында өтеді. Бүгін облыстың барлық ұйымдары мен мекемелерінде тілдер Күнін мерекелеу басталды. Негізгі лейтмотив – мемлекеттік тіл саясатын жүзеге асыру саласындағы жетістіктерді көрсету», — деді Ғалым Шойкин.
Іс-шараны өткізу үшін арнайы жоспар бекітілді, ол Қазақстан халықтарының тілдері онкүндігінің салтанатты ашылуын, сондай-ақ тақырыптық және мәдени-бұқаралық іс-шараларды қамтиды. Мемлекет этносы арасындағы бірлікті білдіретін іс-шаралар, поэзия кештері, дөңгелек үстелдер мен конференциялар ұйымдастырылады.
Онкүндіктің негізгі мақсатты аудиториясы жастар болады, оның аясында «Қазақ тілім – мәңгі жасар байлығым» форумы, «Текти сөздің төресі – терме» байқауы және «Тілдарын» олимпиадасы өтеді.
Сондай-ақ, өткізіліп отырған онкүндікте алғаш рет белгілі қазақстандық жазушылар мен қоғам қайраткерлерінің мерейтойлық күндері атап өтіледі, сондай-ақ латын графикасына көшу мәселесі талқыланады.
Сурет: inform.kz
