Облыс әкімі Ермек Маржықпаев бастаған Ақмола облысының делегациясы Омбы қаласында өткен Қазақстан мен Ресейдің өңіраралық ынтымақтастық форумының жұмысына қатысты.
Осы форум аясында Ақмола облысының әкімі Ермек Маржықпаев пен “ХЕВЕЛ” компаниялар тобының еншілес компаниясының бас директоры “Авелар Солар Технолоджи” ЖШҚ-ның бас директоры Игорь Шахрай күн электр станциясының құрылысы бойынша жобаны жүзеге асыру туралы келісімге қол қойды.
Ақмола облысында күн электр станциясын іске қосу 2020 жылға белгіленді. Ол жаңартылатын энергия көздерінің өндірілетін энергия үлесін 40%-ға дейін арттыруға ықпал ететіні атап өтілді. Сонымен қатар, оның арқасында атмосфераға парниктік газдардың шығарындысы төмендейді.
Сондай-ақ екі бауырлас мемлекеттің өңіраралық ынтымақтастық форумы аясында Ақмола облысының кәсіпкерлік және өнеркәсіп басқармасы мен Омбы облысының өнеркәсіп, байланыс, сандық және ғылыми-техникалық даму министрлігі арасында өзара іс-қимыл туралы келісімге қол қойылды.
Бұл келісім Омбы мен Ақмола облыстарының кәсіпорындары арасындағы экономикалық ынтымақтастықты одан әрі кеңейтуге және сауда байланыстарын жақсартуға мүмкіндік береді деп жоспарлануда.
Сурет: inform.kź
