Президент сайлауы қарсаңында Қазақстанның құқық қорғау органдары жоғары қауіпсіздік шараларын қабылдауда. Қазір бүкіл ел бойынша “Құқықтық тәртіп” операциясы жүріп жатыр, ол 6 маусымға дейін жалғасады.
Ал 7 маусымнан бастап бүкіл полиция президенттік сайлауға байланысты 12-ге дейін қызмет атқарудың күшейтілген нұсқасына көшеді.
Бұл туралы ҚР Ішкі істер министрі Ерлан Тұрғымбаев мәлім етті. Министр сондай – ақ журналистерге 8 маусым-тыныштық күні, қандай да бір үгіт-насихат жүргізуге тыйым салынғанын еске сала кеткен жоқ.
Сайлау күні, министрдің ақпараты бойынша, 21 мыңнан астам полицейлер мен патрульдер барлық жерде жұмыс істейтін болады.
“Сайлау кезінде мұндай шаралар әрдайым өткізіледі”, – деп атап өтті Ерлан Тұрғымбаев.
Ел Президентін сайлау 9 маусымда сағат 07.00-ден 20.00-ге дейін өтеді. Сайлау учаскелеріндегі дауыстарды санау дауыс беру аяқталған сәттен бастап 12 сағаттан кешіктірілмей жүзеге асырылады.
