“Көкнар-2018” жедел алдын алу шарасы аясында, осы жылдың 5 айында, 200-ге жуық адам есірткі қылмысына қатысы бар деген күдікпен ұсталды, деп хабарлайды NUR.KZ, ҚР ҰҚК ШҚ баспасөз қызметіне сілтеме жасап.
Іс-шараны Шекара қызметі ІІМ-мен бірлесіп 1 маусым мен 30 қазан аралығында өткізді.
Нәтижесінде, есірткі қылмысына күдікті 196 адам ұсталған, оның 88 – і қазақстандықтар, қалғандары – көршілес мемлекеттердің тұрғындары.
Жедел алдын алу іс-шарасы кезінде әртүрлі тыйым салынған заттар, 2,5 тонна марихуана, 0,5 грамм героин және басқа да есірткі тәркіленді.
Жарты миллионға жуық жабайы өскен бұталар және арнайы өсірілетін қарасора 12 мыңға жуық бұталары жойылды.
