Атырау облысының әкімі Нұрлан Ноғаевтың тапсырмасы бойынша аймақтың мемлекеттік мекемелерінде 26 сәуірде сағат 17-де халықпен кездесу ұйымдастырылады, деп хабарлайды Аймақтық коммуникация қызметі.
Акцияға бюджеттен қаржыландырылатын Атырау қаласының барлық әлеуметтік мекемелері, ауыл, аудан және қала әкімдіктері қатысады.
Тұрғындармен кездесуді балабақшалар, мектептер, балалар-жасөспірімдер спорт мектебі, музыкалық мектептер, өнер мектептері, жұмыспен қамту орталықтары, ауруханалар және басқа да медициналық мекемелер өткізіледі. Мемлекеттік қызметтер жәрмеңкесі әкімдіктер мен жастар ресурстық орталығында өтеді. Іс-шара мемлекеттік органдар мен әлеуметтік мекемелердің халықпен байланысын қамтамасыз ету үшін өткізіледі.
Ашық есік күндері әр айдың соңғы жұмасында сағат 17-де мекеменің акт залдарында өткізіледі. Ауылдық әкімдіктер өз ғимараттарында ашық есік күндерін, аудандар мен қалалар әкімдіктері – мәдениет үйлерінде өткізетін болады. Атырау қаласының әкімдігі орталық дене шынықтыру-сауықтыру кешенінде мемлекеттік қызмет көрсету жәрмеңкесі форматында ашық есік күнін өткізеді.
Естеріңізге сала кетейік, қоғам мен мемлекеттік органдардың байланысын жақсарту үшін қала және аудан әкімдеріне, жауапты органдарға ай сайын әкімдіктер мен әлеуметтік мекемелердің Ашық есік күндерін өткізу тапсырылды.
Бұл бастаманы қаңтар айында Жылыой ауданында өткен кеңесте облыс әкімі айтты. Қазақстан Президенті Қасым-Жомарт Тоқаев облыс әкімдерімен болған кеңесте оларға халықпен барынша жиі кездесуге тапсырма берді.
Сурет: Аймақтық коммуникация қызметі
