24 наурызда аталып өтілетін Дүниежүзілік туберкулезбен күрес күнін қолдау мақсатында Астаналық Бәйтерек монументі қызыл түспен жарықтандырылады, деп хабарлайды Елорда.Инфо.
Астана бұл акцияға алғаш рет қатысады. Соңғы 2 жылда бұл бастамаға Барселона, Рио-де-Жанейро, Карачи және Будапешт қатысты. Тіпті Ниагар сарқырамасы қызыл жарықпен жарықтандырылды.
Бәйтерек 24 наурызда Астана уақыты бойынша 20 сағат 30 минуттан бастап 2 сағат қызыл түспен жарқырап тұрады.
Қалалық денсаулық сақтау басқармасы баспасөз қызметінің хабарлауынша, Астана туберкулезден таза қала болу үшін, туберкулез бойынша эпидемиологиялық көрсеткіштерді төмендетуі тиіс. Акцияның басты ұраны – “Туберкулезбен күресу үшін әлемді жарықтандырыңыз”.
Сурет: Турар Казангапов
