ҚР Индустрия және инфрақұрылымдық даму министрі Роман Скляр Үкімет отырысында халықты ауыз сумен қамтамасыз етуді жақсарту жөніндегі ведомствоның жұмысы туралы баяндады. Оның ақпаратына қарағанда, 2023 жылға қарай қалада да, ауылда да таза сумен жабдықтау көрсеткішінің 100% – ға жетуі жоспарлануда.
Министр шағын ауылдарға арналған пмәселелерді шешу су тазартудың кешенді блок-модульдерін пайдалану болатынын хабарлады. Оның айтуынша, министрлік ауылдарды кепілді сапа мен көлемдік сумен жабдықтау қызметтерімен қамтамасыз етудің тиісті жоспарын әзірледі. Бұл 1333 ауылды таза сумен қамтамасыз етуге мүмкіндік береді.
Блок-модульдерді орнатудың қосымша артықшылығы құрастыру, пайдалану және қажет болған жағдайда ауылдан ауылға тасымалдау мүмкіндігі болып табылады. Мысалы, министр Павлодар облысын келтірді, онда мұндай блоктар 52 ауылда орнатылған.
Сондай-ақ, ол мәселенің тағы бір шешімін мысалға келтірді: Шығыс Қазақстан облысының Тарбағатай ауданында 12 ауылды сумен қамтамасыз ету үшін ұңғыма үстіндегі павильондар құрылысына әрбір ауылға 30 млн теңгеден жұмсалды. Министр хабарлағандай, енді бұл ауылдарда 2700 адам таза ауыз суға қол жеткізе алады.
Сурет: zakon.kz
