2019 жылдың 1 қаңтарынан бастап 16 жасқа дейінгі балалар Қазақстаннан тыс жерлерге шығу үшін жеке шетелге шығу төлқұжаты болуы тиіс.
Келесі жылдан бастап ата-аналар балаларының суретін мемлекеттік шекараны кесіп өту үшін өз құжаттарына жапсыра алмайды.
Заңға әлемдік қоғамдастықтың төлқұжаттық-визалық бақылау талаптарын қатаңдатуына байланысты тиісті түзетулер енгізілді. Мұндай шараларды қабылдау көптеген елдерде терроризм мен экстремизм қатерінің өсуі мәжбүр етті.
Көптеген мемлекеттер шекаралық бекеттерде жеке тұлғаны сәйкестендіру үшін сандық фотосуретті, саусақ іздерін, сондай-ақ көздің мөлдір қабығын пайдаланады.
16 жасқа дейінгі балалардың төлқұжатының болуын талап ететін мемлекеттер — Шенген аймағының Еуропалық мемлекеттері, Америка Құрама Штаттары және Біріккен Араб Әмірліктері.
Қазақстанда 2018 жылы жаңа Салық кодексінің қабылдануына байланысты шетелдік төлқұжатты ресімдеу құны екі есеге өсті: бұрын паспортты дайындау азаматқа 9 076 теңге (24 доллар) болса, қазір төлқұжатқа мемлекеттік баж 19 240 теңгені (52 доллар) құрайды.
Сулет: retina.news.mail.ru
