Алматы қаласының әлеуметтік әл-ауқат басқармасының бастығы Рахат Шимашева оңтүстік астанада төтенше жағдай режимі кезеңінде Коммуналдық қызметтер төлемін төлеу үшін қала тұрғындарына ақша беру жұмыстары қалай жүргізіліп жатқанын айтты, деп хабарлайды Tengrinews.kz ақпараттық агенттігі.
Рахат Шимашева коммуналдық қызметтерді төлеуге 15 мың теңге алу тізімі күн сайын жаңартылып отырады дейді. Қазір 108 мың адам осындай қолдауға үміттенуде.
Сонымен қатар, шенеунік әлеуметтік әл-ауқат басқармасы тізімді Алматы энергетика басқармасының қызметкерлеріне тапсыратынын нақтылап айтты.
Бұған дейін Қазақстан Республикасының басшысы Қасым-Жомарт Тоқаев елдегі төтенше жағдай режимі кезеңінде коммуналдық қызметтердің құнын төмендету бойынша шаралар қабылдауды тапсырған.
Кейін коммуналдық қызметтерді төлеу үшін халықтың әлеуметтік осал топтарының абоненттік шоттарына 15 мың теңге салу шешілді. Алайда мұндай шара карантиндік режим енгізілген өңірлерде тұратын азаматтарға қатысты.
Бұл көмекті алу үшін жұмыс уақытында сall-орталығының 341-05-27 нөмірі бойынша қоңырау шалып, өзінің мәртебесін растау қажет.
Сурет: inform.kz
