Қазақстан Республикасының Денсаулық сақтау министрі Елжан Біртанов 1 маусымнан бастап Нұр-Сұлтандағы учаскелік дәрігерлердің жалақысы 224 мың теңгеге дейін артатынын мәлімдеді. Бұл туралы primeminister.kz хабарлайды.
Бүгін ҚР Премьер-министрі Асқар Мамин Астанадағы “100 мектеп, 100 аурухана”мемлекеттік бағдарламасы аясында салынған №10 емхана үлгісінде медициналық қызметтердің сапасын арттыру бойынша жұмыстың қалай алға жылжып жатқанын, ең бастысы медициналық қызметтердің қолжетімділігін танысты.
Медициналық мекеменің бас дәрігері Ғ. Алпысбекова медициналық қабылдау жүйесіне цифрландыру жүйесін енгізу нәтижесінде мекемеде кезек 60% – ға төмендегенін хабарлады.
Енді дәрігердің қабылдауына жазылу электронды тәртіпте жүргізіледі, бұл қабылдауды айтарлықтай жеделдетуге және сонымен қатар медициналық мекемелердің дәліздерінде пациенттерді пайдасыз күтуді қысқартуға мүмкіндік береді.
Шалғай аудандардың тұрғындары үшін медициналық көмектің қол жетімділігін қамтамасыз ету үшін 2019 жылы елордада тағы да 11 қосымша медициналық пункт, ауруханалар мен емханалар ашу жоспарлануда.
Сондай-ақ, денсаулық сақтау министрлігінің басшысы Елбасының әлеуметтік шараларын орындау аясында, 1 маусымнан бастап елордада учаскелік полицейлердің жалақысы 224 мың теңгеге дейін көтерілетіндігін, ал орта медициналық қызметкерлердің жалақысы 163 мың теңгеге дейін көтерілетіндігін айтты.
