Қазақстан Министрлер кабинетінің отырысында сөз сөйлеген Ұлттық экономика министрлігінің басшысы Руслан Дәленов келесі жылға арналған мұнай өндіру жоспары туралы мәлімет берді. Бұл туралы forbes.kz ақпарат агенттігі жазады.
Дәленовтің айтуынша, 2021 жылы біздің мемлекетімізде 86 миллион тонна қара алтын өндіру көзделіп отыр.
Салыстыру үшін, ағымдағы жылы ОПЕК+ мұнай өндіру көлемін қысқарту туралы келісім шеңберіндегі міндеттемелерді ескере отырып, Қазақстанда 85,2 миллион тонна қара алтын өндіру жоспарланып отыр.
Үкімет отырысында Ұлттық экономика министрлігінің басшысы келесі жылы барлық базалық салаларда оң өсім күтілуде деп мәлімдеді.
Бұған дейін хабарланғандай, осы жылдың сәуір айында республикамыз ОПЕК + келісімі аясында мұнай өндіруді ағымдағы жылдың мамыр-шілде айларында тәулігіне 9,7 миллион баррельге азайту міндетін мойнына алды.
Қазақстанның Энергетика министрлігінің ақпараты бойынша, биылғы жылдың тамыз-қыркүйек айларында біздің еліміз қара алтынның бағасын және сұраныс пен ұсыныстың теңгерімін қалпына келтіруге бағытталған ОПЕК+ келісімі бойынша алған міндеттемелерді толық орындайды.
Сурет: gazeta.ru
