Қазақстанның Тұңғыш Президенті Нұрсұлтан Назарбаев әл-Фараби атындағы Қазақ Ұлттық университетінің ректоры Ғалымқайыр Мұтановпен кездесіп, осы ЖОО-ның дамуына қатысты мәселелерді талқылады. Бұл туралы Ақорданың баспасөз қызметі хабарлады.
Кездесу барысында Тұңғыш Президент әл-Фараби атындағы Қазақ ұлттық университетінің беделін көтеру және дамыту мәселелеріне назар аударды.
«Университет беделін көтеру маңызды. Зерттеу жоғары оқу орынын құру міндеті тұр. Білім беру сапасына және профессорлық-оқытушылық құрамның дайындық деңгейін арттыруға көңіл бөлу қажет. Шәкірттердің өмір сүру жағдайын жақсарту үшін студенттік жатақханалар салу жөнінде тапсырма берілді», — деді Елбасы.
Сондай-ақ осы кездесу аясында жоғарыда аталған университет ректоры Нұрсұлтан Назарбаевқа Әбу Насыр әл-Фарабидің 1150 жылдық мерейтойына арналған іс-шаралар дайындау жоспары туралы баяндады.
