ЕЭК Алқасының басшысы Михаил Мясниковичтің БАҚ өкілдерімен кездесуі болып өтті, оның барысында өзінің Нұр-Сұлтанға ресми сапары туралы әңгімеледі.
Баспасөз мәслихаты барысында Мясникович Мемлекет басшысы Қасым-Жомарт Тоқаевпен, премьер-министр Асқар Маминмен және Парламент жоғарғы палатасының спикері Дариға Назарбаевамен өткен кездесулердің нәтижелері туралы хабарлады.
«Мен әңгіме өте ашық, менің ойымша, объективті болды деп айтқым келеді. Ең бастысы, олар – біздің Еуразиялық экономикалық ықпалдастығымызды қалай тереңдете түсу керектігі туралы конструктивті ұсыныстар. Сын көп болды. Менің ойымша, лайықты сын. Біз бұдан тиісті қорытынды жасап, жағдайды түзеуге ниеттіміз», — деді Мясникович.
Сондай-ақ ЕЭК Алқасының төрағасы біздің республикамыздың басшылығымен болған кездесулерде Еуразиялық даму банкінің, ЕАЭО Сотының және Еуразиялық тұрақтандыру және даму қорының жұмысына назар аударылғанын айтты.
Мясникович одақ аясында ЕАЭО-ға мүше мемлекеттерде бизнесті жүргізуді жеңілдететін жаңа ұйымдар құру мәселесі көтерілгенін атап өтті.
Михаил Мясникович біздің ел басшылығымен кездесу аясында ЕЭК-тің жоспарланған жұмысына Қазақстан тарапынан қолдау көрсетілетіндігі расталғанын атап өтті.
Сурет: teleskop-by.org
