Индустрия және инфрақұрылымдық даму министрі Бейбіт Атамқұлов Қазақстанда тұрғын үй құрылысы туралы айтып берді.
«Биыл қаржыландырудың барлық көздері есебінен 17 млн шаршы метр тұрғын үй салу жоспарлануда — бұл 163 мың тұрғын үй, оның ішінде 6,5 млн шаршы метр жеке тұрғын үй және 10,5 млн шаршы метр көппәтерлі тұрғын үй», — деп ИИДМ басшысы Үкімет отырысында хабарлады.
Оның айтуынша, тұрғын үй құрылысына инвестициялар 2019 жылмен салыстырғанда 33,6% — ға өсіп, 2 трлн теңгені құрады. Мемлекеттік қаражаттың 1 теңгесіне 5 теңге жеке инвестициялар тартылды.
2020 жылы республика бойынша 15,3 млн шаршы метр тұрғын үй салынды. 38,4 мың отбасына мемлекеттік қолдау көрсетілді, оның ішінде «2-10-20», «5-10-20» және «5-20-25″бағдарламалары бойынша 28 мың әлеуметтік тұрғын үй және 10,4 мың жеңілдікті қарыз түрінде көрсетілді.
Сурет: zakon.kz
