Қасым-Жомарт Тоқаев премьер-министр Асқар Маминді қабылдады.
Президентке коронавирустық инфекцияға қарсы қазақстандық вакцинаның әзірлену барысы туралы айтылды.
Мамин 29 қарашада клиникалық сынақтардың 1-ші және 2-ші фазаларының аяқталғаны туралы хабарлады. Бұл ретте, Асқар Маминнің айтуынша, жанама әсерлер тіркелген жоқ, ал вакцина жоғары тиімділікті көрсетіп отыр. 25 желтоқсаннан бастап клиникалық зерттеулердің 3-кезеңі аясында 3 мың ерікті вакцинацияланады. Сынақтар 2021 жылдың наурыз айының соңында аяқталады, — делінген хабарламада.
Мемлекет басшысына ағымдағы жылдың желтоқсан айында 2 млн доза көлемінде отандық вакцинаның алғашқы партиясын шығару іске қосылатыны туралы мәлімет берілді.
Фото: zakon.kz
