Мәскеуде, Ресей Федерациясы Сыртқы істер министрлігінің қабылдау Үйінде Ресей субъектілерінің шет мемлекеттермен және бизнес-қоғамдастықпен өзара іс-қимылын дамыту және нығайту бағдарламасы аясында Кемеров облысының тұсаукесері өтті.
Іс-шараға Ресейдің сыртқы саяси ведомствосының басшысы Сергей Лавров, облыстың губернаторы Сергей Цивилев, дипломатиялық корпус, федералдық және аймақтық билік органдарының өкілдері қатысты.
Сондай-ақ, оған еліміздің Ресейдегі елшісі Ермек Көшербаев пен Қазақстан Республикасының Сауда өкілдігінің делегаттары қатысты.
Іс-шара барысында қазақстандық және ресейлік тараптар екі елдің өңірлері арасындағы әріптестікті дамыту әлеуетін талқылады. Олар өзара іс-қимылды дамыту үшін жақсы перспективалар бар екенін айтып, ынтымақтастықты одан әрі жалғастыру ниеттерін білдірді.
Ресей сыртқы саяси ведомствосы дипломатиялық корпус үшін осындай тұсаукесерлерді тұрақты түрде өткізеді. Мұндай іс-шаралардың басты мақсаты Ресей өңірлерінің инвестициялық әлеуетін көрсету болып табылады.
Сурет: Kazembassy.ru
