Қазақстан Республикасы Парламенті Мәжілісі»Қазақстан Республикасы мен Украина арасындағы экстрадиция туралы шартты ратификациялау туралы» заң жобасымен жұмыс істей бастады.
«Бұл шарт 2018 жылғы 29 қазанда Нұр-Сұлтанда жасалды. Шартқа сәйкес Тараптар ұстап беруге әкеп соғатын қылмыстар үшін қылмыстық қудалауды жүзеге асыру немесе сот үкімін орындау үшін өздерінің аумағында жүрген іздестірудегі адамдарды бір-біріне беруге міндеттенеді. Шартты ратификациялау қылмысқа қарсы күресте екі елдің ынтымақтастығының тиімділігін арттыруға мүмкіндік береді»,-деп атап өтті Мәжілістің Заңнама және сот-құқықтық реформа комитетінің төрағасы Нұрлан Әбдіров.
Бұдан басқа, Мәжіліс «Тәуелсіз Мемлекеттер Достастығына қатысушы мемлекеттердің ақпараттық технологиялар саласындағы қылмыстарға қарсы күрестегі ынтымақтастығы туралы келісімді ратификациялау туралы»; «2003 жылғы 25 желтоқсандағы Қазақстан Республикасының Үкіметі мен Қырғыз Республикасының Үкіметі арасындағы мемлекеттік шекара арқылы өткізу пункттері туралы келісімге өзгерістер енгізу туралы хаттаманы ратификациялау туралы»; «қоршаған ортаға қатысты мәселелер бойынша шығарындылардың және оларды көшіру тіркелімдері туралы хаттаманы ратификациялау туралы»заң жобаларын жұмысқа алды.
